စိုးရိမ်စိတ်လို့ခေါ်တဲ့ Anxietyတွေကို လူတိုင်း ကြုံတွေ့ဖူးကြပေမဲ့ တခါတရံမဟုတ်ဘဲ အမြဲလိုလို စိုးရိမ်စိတ်တွေနဲ့ စိတ်ပူပန်မှု့တွေ ကြောက်ရွံ့မှု့တွေ ရှိနေပြီဆိုရင်တော့ နေ့စဥ်လူနေမှု့ဘဝကို အနှောက်အယှက်ဖြစ်စေနိုင်ပါတယ်။ ကြာလာရင် စီးပွားရေး၊ လူမှု့ရေး၊ ပညာရေးနဲ့ ကိုယ်ကျန်းမာရေးတွေကိုပါ ထိခိုက်လာစေနိုင်လို့ စိုးရိမ်ပူပန်စိတ်တွေကို လျှော့ချနိုင်ဖို့ကအရေးကြီးပါတယ်။
စိုးရိမ်စိတ်ဖြစ်ပေါ်လာတဲ့အခါ ဘာတွေခံစားရနိုင်လဲ?
စိုးရိမ်စိတ်ဖြစ်ပေါ်လာတဲ့အခါ စိတ်ပိုင်းဆိုင်ရာ လက္ခဏာတင်မကဘဲ ရုပ်ပိုင်းဆိုင်ရာ လက္ခဏာတွေပါ ခံစားရတတ်ပါတယ်။
စိတ်ပိုင်းဆိုင်ရာခံစားရလေ့ရှိတဲ့ လက္ခဏာတွေထဲက တချို့အချက်တွေကတော့-
စိုးရိမ်ပူပန်စိတ်မြင့်မားခြင်း
လူတိုင်းမှာ စိုးရိမ်စိတ်အနည်းငယ်စီရှိကြတဲ့ အခိုင်အတန့်လေးတွေရှိကြပေမဲ့ အမြဲလိုလို ဖိစီးမှု့ဖြစ်ပြီးစိုးရိမ်ပူပန်မှု့တွေ ကြုံနေရမယ်ဆိုရင်တော့ သူများအတွက် ပြဿနာအသေးလေးက သူတို့အတွက် အကြီးကြီးဖြစ်နေတတ်ပြီး စိတ်ပိုင်းဆိုင်ရာတင်းမာမှု့တွေဖြစ်စေနိုင်ပါတယ်။
အာရုံစူးစိုက်ရန် ခက်ခဲခြင်း
စိုးရိမ်ပူပန်စိတ်မြင့်နေတဲ့အခါ အခြားအရာတစ်ခုအပေါ်ကို အာရုံထားနိုင်စိတ်လျော့ပါးသွားတတ်ပါတယ်။ ဒီလိုမျိုး တခြားအရာတွေအပေါ် အာရုံစိုက်နိုင်စိတ်လျော့နည်းလာတာဟာလဲ စိုးရိမ်စိတ်ကြောင့် လူနေမှု့ဘဝကို ထိခိုက်လာစေတဲ့ ဆိုးကျိုးတစ်ခုလည်း ဖြစ်ပါတယ်။
စဥ်ဆက်မပြတ်စိုးရိမ်ပူပန်ခြင်း
အများစုက စိုးရိမ်ပူပန်စိတ်လေးတွေရှိတတ်ကြပေမဲ့ စိုးရိမ်စိတ်မြင့်မားတဲ့သူတွေကတော့ သူများတွေအတွက် သာမန်ဖြစ်တဲ့ဖြစ်ရပ်တွေအပေါ်မှာလည်း အပြုသဘောမဆောင်တဲ့ ပူပန်စိတ်တွေရှိတတ်ကြပါတယ်။ ကိုယ်မထိန်းချုပ်နိုင်တဲ့အရာတွေဖြစ်တဲ့ ရာသီဥတုအခြေအနေ၊ သူများရဲ့စိတ်အခြေအနေ စတာတွေအပေါ် မှာလဲ လိုက်ပြီး စိုးရိမ်စိတ်နဲ့ တွေးပူတတ်လေ့ရှိကြပါတယ်။
နောက်ထပ်အနေနဲ့ စိတ်လှုပ်ရှားမှု့မြင့်မားခြင်း၊ အပြုသဘောမဆောင်တဲ့အတွေးများထပ်ခါတလဲလဲတွေးတတ်ခြင်း၊ အနားယူဖို့ အခက်အခဲရှိခြင်း စတာတွေလဲ ဖြစ်တတ်ပါတယ်။
စိုးရိမ်စိတ်မြင့်မားသူတွေ ကြုံရလေ့ရှိတဲ့ရုပ်ပိုင်းဆိုင်ရာ လက္ခဏာတွေထဲက တချို့အချက်တွေကတော့-
- နှလုံးခုန်မြန်ခြင်း၊ အသက်ရူကြပ်ခြင်း
- အိပ်မပျော်ခြင်း
- သွားကြိတ်ခြင်း
- ပျို့အန်ခြင်း
- ခေါင်းမူး၊ ခေါင်းကိုက်ခြင်းတို့ စတာတွေကို ခံစားရလေ့ရှိပါတယ်။
စိုးရိမ်စိတ်တွေ ဘယ်လိုလျော့ချမလဲ?
- အပြုသဘောမဆောင်တဲ့အတွေးတွေကို တွေးချိန်မရအောင် ကိုယ့်ရဲ့ တစ်နေ့တာ အချိန်ဇယားဆွဲပါ။
- စိတ်ဖိစီးမှု့ကို လျှော့ချဖို့ လေ့ကျင့်ခန်းပုံမှန်လုပ်ပါ။အသက်ပြင်းပြင်းရူပါ။
- လုံလောက်စွာ အိပ်စက်အနားယူပါ။
- ကဖိန်းဓာတ်ပါတဲ့အစားအသောက်တွေ စားသောက်ခြင်းကို လျှော့ချပါ။
- ပတ်ဝန်းကျင်နဲ့ ထိတွေ့လို့ရမဲ့ ကိုယ်ဝါသနာပါရာ အလုပ်တစ်ခုနဲ့အပန်းဖြေပါ။ (ဥပမာ-ရေကူးခြင်း၊ စက်ဘီးစီးခြင်း၊ လမ်းလျှောက်ခြင်း၊ shoppingထွက်ခြင်း)
- အဖွဲ့အစည်းတွေမှာ စေတနာ့ဝန်ထမ်းအဖြစ် တာဝန်ထမ်းဆောင်ခြင်း။
- ကိုယ်ထိန်းချုပ်လို့မရတဲ့ အရာတွေရှိရင် လက်ခံနိုင်ဖို့ ကြိုးစားပါ။
ဒါ့ကြောင့် စိုးရိမ်စိတ်မြင့်မားနေပြီဆိုရင်တော့ အထက်မှာဖော်ပြထားသလို Self careပြုလုပ်ခြင်း၊ ဒါမှမဟုတ် ကျွမ်းကျင်တဲ့professionalနဲ့ ဆွေးနွေးခြင်း စတာတွေပြုလုပ်လို့ရပါတယ်။
